ગોધરાકાંડનું સત્ય જાહેર કરવા તૈયાર વિક્રાંત મેસી, રિલીઝ પહેલા જ મળવા લાગી ધમકીઓ, ટ્રેલર લોન્ચ વખતે કર્યો ખુલાસો

વિક્રાંત મેસી, રાશિ ખન્ના અને રિદ્ધિ ડોગરાની ફિલ્મ 'ધ સાબરમતી રિપોર્ટ'ની આતુરતાથી રાહ જોઈ રહ્યા છે. પોસ્ટર રિલીઝ થયા બાદથી દર્શકો વિક્રાંત મેસીની આ ફિલ્મને લઈને ખૂબ જ ઉત્સાહિત છે. નિર્માતાઓએ ટીઝર રિલીઝ કરીને દર્શકોના ઉત્સાહને સાતમા આસમાને પહોંચાડ્યો હતો. દર્શકો પણ લાંબા સમયથી ફિલ્મના ટ્રેલરની રાહ જોઈ રહ્યા હતા. આજે આખરે મેકર્સે ટ્રેલર રિલીઝ કરીને દર્શકોની ઈચ્છા પૂરી કરી છે.

આ બહુપ્રતિક્ષિત ફિલ્મ 27 ફેબ્રુઆરી 2002ની સવારે સાબરમતી એક્સપ્રેસમાં બનેલી ઘટનાના સત્ય પર આધારિત છે. આ ટ્રેન દુર્ઘટનાનું સત્ય દુનિયા સમક્ષ રજૂ કરવા માટે ફિલ્મ તૈયાર છે. આ ટ્રેલર આપણને એવી ઘટના સાથે રૂબરૂ કરાવે છે જેણે ભારતનો સામાજિક અને સાંસ્કૃતિક ચહેરો બદલી નાખ્યો. આ ઘટના પર આ પરિપ્રેક્ષ્ય ક્યારેય વધુ ચર્ચામાં આવ્યું નથી, પરંતુ તેણે ઘણા જીવનને અસર કરી છે.

https://youtu.be/Mjtv0KkgCqM?si=v4KMeNvxDi4OKkuq

આ ફિલ્મ એક હૃદયદ્રાવક ઘટનાને ઉજાગર કરશે

'ધ સાબરમતી રિપોર્ટ'માં વિક્રાંત મેસી, રાશિ ખન્ના અને રિદ્ધિ ડોગરા પત્રકારની ભૂમિકામાં જોવા મળશે. ટ્રેલર પરથી સ્પષ્ટ થાય છે કે આ ફિલ્મ એક ઊંડી છાપ છોડશે, જે આ હૃદયદ્રાવક ઘટનાની સત્યતાને ઉજાગર કરશે અને દર્શકોને વાકેફ કરશે. આ ટ્રેલરમાં, હિન્દી ભાષી અને અંગ્રેજી પત્રકારો વચ્ચેના વૈચારિક તફાવતને સામે લાવવામાં આવ્યો છે, જેઓ પશ્ચિમી પ્રભાવથી પ્રેરિત હોવા છતાં, રાજકારણ અને દુ:ખદ ઘટનાઓના કવરેજને પ્રભાવિત કરે છે.

વિક્રાંતને મળી રહી છે ધમકીઓ

એકતા કપૂર અને શોભા કપૂર દ્વારા નિર્મિત આ ફિલ્મની રિલીઝ પહેલા જ અભિનેતા વિક્રાંત મેસીને ધમકીઓ મળી રહી છે. તેણે ટ્રેલર લૉન્ચ વખતે ખુલાસો કર્યો હતો કે ફિલ્મની રિલીઝ પહેલા તેની આખી ટીમને ધમકીઓ મળી રહી હતી, પરંતુ 'ધ સાબરમતી રિપોર્ટ' સત્ય પર આધારિત છે. ફિલ્મમાં માત્ર સત્ય જ બતાવવામાં આવ્યું છે અને તે બધા એક ટીમની જેમ આ ધમકીઓનો સામનો કરી રહ્યા છે. તમને જણાવી દઈએ કે, ફિલ્મની રિલીઝ પહેલાથી જ બે વખત મોકૂફ રાખવામાં આવી છે.

બાલાજી ટેલિફિલ્મ્સ લિમિટેડ અને વિકિર ફિલ્મ્સ પ્રોડક્શનના વિભાગ, બાલાજી મોશન પિક્ચર્સ દ્વારા પ્રસ્તુત, 'ધ સાબરમતી રિપોર્ટ'માં વિક્રાંત મેસી, રાશિ ખન્ના અને રિદ્ધિ ડોગરા મુખ્ય ભૂમિકામાં છે. આ ફિલ્મ ધીરજ સરના દ્વારા નિર્દેશિત છે અને શોભા કપૂર, એકતા આર કપૂર, અમૂલ વી મોહન અને અંશુલ મોહન દ્વારા નિર્મિત છે. ‘ધ સાબરમતી રિપોર્ટ’ 15 નવેમ્બરે સિનેમાઘરોમાં આવવા માટે તૈયાર છે.