ખતરો કે ખેલાડીમાં એક ટાસ્ક દરમ્યાન શાલીન ભનોટ પર ગુસ્સે થયા રોહિત શેટ્ટી , જાણો શું છે સમગ્ર મામલો

રોહિત શેટ્ટી દ્વારા હોસ્ટ કરવામાં આવેલ સ્ટંટ આધારિત રિયાલિટી શો 'ખતરો કે ખિલાડી' દરેક પસાર થતા એપિસોડ સાથે વધુ રસપ્રદ બની રહ્યો છે. થોડા સમય પહેલા, લોકપ્રિય સ્પર્ધક અસીમ રિયાઝને રોહિત શેટ્ટી સાથે દલીલ કર્યા પછી શોમાંથી કાઢી મૂકવામાં આવ્યો હતો. હવે ફરી એકવાર એક સ્પર્ધક અસીમની ભૂલોનું પુનરાવર્તન કરતો જોવા મળ્યો અને તે અન્ય કોઈ નહીં પણ લોકપ્રિય ટીવી અભિનેતા શાલિન ભનોટ છે.

કલર્સ ટીવી દ્વારા શેર કરાયેલા શોના પ્રોમોમાં, રોહિત શેટ્ટી શાલિન ભનોટ અને તેના મિત્ર અભિષેક કુમાર પર પ્રહાર કરતા જોવા મળે છે.એક ટાસ્ક દરમિયાન, શાલીન ભનોટને આકાશમાં લટકતા પ્લેટફોર્મ પર ઉભા રહીને ફ્લેગ એકત્રિત કરવાનો હતો. તેણે ફ્લેગ એકઠા કર્યા પણ પ્લેટફોર્મ પર ઊભા રહેવાને બદલે તેના પર બેસી ગયા.

શાલિન ભનોટના સહ-સ્પર્ધકો તેને નીચેથી બૂમો પાડે છે અને તેને પ્લેટફોર્મ પર ઊભા રહીને કાર્ય કરવા કહે છે, પરંતુ તે દરેકની વાતને અવગણે છે. જ્યારે તે ટાસ્ક પૂરો કરીને નીચે આવે છે, ત્યારે રોહિત શેટ્ટી તેના પર ખૂબ જ ગુસ્સામાં દેખાય છે, જેના પર શાલિન પોતાને સમજાવવા માટે ખોટું બોલે છે. સહ-સ્પર્ધક કરણવીર મહેરા તેના જુઠ્ઠાણાનો પર્દાફાશ કરે છે, જેના પર શાલીન તેના પર બૂમો પાડે છે.

હવે આ બધાની વચ્ચે રોહિત શેટ્ટી શાલિનના બેસ્ટ ફ્રેન્ડ અભિષેક કુમારને સત્ય પૂછે છે, જેના પર અભિષેક સાચું કહે છે, પરંતુ પછી તે પોતાના મિત્રને બચાવવા માટે તમામ પ્રયાસ કરે છે. બંને વચ્ચેની આ મિત્રતા જોઈને રોહિતને ખૂબ ગુસ્સો આવે છે અને તે અભિષેકને પણ નિશાન બનાવે છે.

શેર કરેલા પ્રોમોમાં રોહિત અભિષેકને કહે છે કે, 'હવે અભિષેકને ન્યાય ન આપો, હવે તું એવી જગ્યાએ આવી ગયો છે કે મને ગુસ્સો આવવા લાગે છે.' હોસ્ટ રોહિત શેટ્ટીને શાલિન અને અભિષેક પર ગુસ્સે થતા જોઈને ચાહકો ખૂબ નારાજ છે. અસિન રિયાઝે રોહિત સાથે છેલ્લે જ્યારે દલીલ કરી હતી ત્યારે તેને શોમાંથી બહાર કરી દેવામાં આવ્યો હતો.