પીએમ મોદીએ જમ્મુ રેલવે ડિવિઝનનું કર્યું ઉદ્ઘાટન, આ પ્રોજેક્ટ્સનો પણ કર્યો શિલાન્યાસ

વડા પ્રધાન નરેન્દ્ર મોદીએ સોમવારે વિડિયો કોન્ફરન્સિંગ દ્વારા નવા રચાયેલા જમ્મુ રેલવે ડિવિઝન (JRD) ના ઉદ્ઘાટન સહિત રેલવે-સંબંધિત વિવિધ પ્રોજેક્ટ્સનું ઉદ્ઘાટન અને શિલાન્યાસ કર્યો હતો.

samay mirror

January 06, 2025

1 minute

નેશનલ

જમ્મુ રેલ્વે વિભાગમાં પઠાણકોટ-જમ્મુ-ઉધમપુર-શ્રીનગર-બારામુલ્લા (423 કિમી રૂટ), બટાલા (સિવાય)-પઠાણકોટ (68.17 કિમી), ભોગપુર-સિરવાલ-પઠાણકોટ (87.21 કિમી) અને પઠાણકોટ-જોગીન્દર નગર (નેરોગેજ, 723 કિમી)નો સમાવેશ થાય છે. કિમી)નો સમાવેશ થાય છે. હાલમાં, રેલ્વે દેશમાં 17 ઝોન અને 68 વિભાગો દ્વારા ટ્રેન સેવાઓનું સંચાલન કરે છે.

જમ્મુમાં આયોજિત આ કાર્યક્રમ દરમિયાન લેફ્ટનન્ટ ગવર્નર મનોજ સિંહા, મુખ્યમંત્રી ઓમર અબ્દુલ્લા અને સાંસદ જુગલ કિશોર શર્માએ પણ ભાગ લીધો હતો. જમ્મુમાં હેડક્વાર્ટર ધરાવતા આ નવા ડિવિઝનની સાથે ફિરોઝપુર ડિવિઝનનું પણ પુનર્ગઠન કરવામાં આવશે.

તેલંગાણામાં નવા ટર્મિનલ સ્ટેશનનું ઉદ્ઘાટન

પીએમ મોદીના કાર્યક્રમને લઈને, વડાપ્રધાન કાર્યાલય (પીએમઓ) એ ગઈ કાલે રવિવારે એક નિવેદન જારી કરીને કહ્યું હતું કે જમ્મુ રેલ્વે ડિવિઝનના ઉદ્ઘાટનની સાથે પીએમ મોદી તેલંગાણામાં ચારલાપલ્લી નવા ટર્મિનલ સ્ટેશનનું પણ ઉદ્ઘાટન કરશે. તેઓ ઈસ્ટ કોસ્ટ રેલ્વેના રાયગઢ રેલ્વે ડિવિઝન ઈમારતનો શિલાન્યાસ પણ કરશે.

પીએમઓએ વધુમાં જણાવ્યું હતું કે જમ્મુ રેલવે ડિવિઝનની રચનાથી 742.1 કિલોમીટર લાંબા શ્રીનગર, જમ્મુ, પઠાણકોટ, ઉધમપુર, બારામુલ્લા, ભોગપુર, સિરવાલ અને બટાલા-પઠાણકોટ તેમજ પઠાણકોટથી જોગીન્દર નગર ડિવિઝનને ઘણો ફાયદો થશે. આનાથી લોકોની લાંબા સમયથી ચાલતી માંગ પૂરી થશે અને દેશના અન્ય ભાગો સાથે રેલ જોડાણમાં સુધારો થશે. જેના કારણે રોજગારીની તકો પણ ઉભી થશે. ઈન્ફ્રાસ્ટ્રક્ચરનો વિકાસ થશે અને પ્રવાસન ક્ષેત્રને પણ પ્રોત્સાહન મળશે. એટલું જ નહીં, વિસ્તારના સર્વાંગી સામાજિક-આર્થિક વિકાસને પણ વેગ મળશે.

તેલંગાણાના મેડચલ-મલકાજગીરી જિલ્લામાં ચારલાપલ્લી ન્યૂ ટર્મિનલ સ્ટેશનને પ્રવેશ માટેની નવી જોગવાઈ સાથે નવા કોચિંગ ટર્મિનલ તરીકે ડિઝાઇન કરવામાં આવ્યું છે. તેના નિર્માણ પાછળ 413 કરોડ રૂપિયાનો ખર્ચ થશે. સારી પેસેન્જર સુવિધાઓ સાથેનું આ ઇકો-ફ્રેન્ડલી ટર્મિનલ સિકંદરાબાદ, હૈદરાબાદ અને કાચીગુડા જેવા શહેરોમાં હાલના કોચિંગ ટર્મિનલ્સ પર ભીડ ઘટાડશે.

પીએમ મોદીએ ઈસ્ટ કોસ્ટ રેલ્વેના રાયગઢ રેલ્વે ડિવિઝન ઈમારતનો શિલાન્યાસ પણ કર્યો. તેનાથી ઓડિશા, આંધ્રપ્રદેશ અને આસપાસના ઘણા વિસ્તારોમાં કનેક્ટિવિટી સુધરશે.