મહાકુંભ, અવકાશ, પ્રાણ પ્રતિષ્ઠાથી લઈને પ્રજાસત્તાક દિવસ સુધી... પીએમ મોદીએ 'મન કી બાત'માં આ મહત્વપૂર્ણ મુદ્દાઓ પર કરી વાત

આજે વડા પ્રધાન નરેન્દ્ર મોદીએ 'મન કી બાત' કાર્યક્રમમાં સંબોધન કર્યું. આ વર્ષનો પહેલો એપિસોડ અને આ રેડિયો કાર્યક્રમનો ૧૧૮મો એપિસોડ હતો. પ્રધાનમંત્રી મોદીએ કહ્યું કે તમે એક વાત નોંધી હશે કે દર વખતે મન કી બાત મહિનાના છેલ્લા રવિવારે થાય છે, પરંતુ આ વખતે અમે ચોથા રવિવારને બદલે ત્રીજા રવિવારે એક અઠવાડિયા વહેલા કરી રહ્યા છીએ, કારણ કે આવતા અઠવાડિયે રવિવારના રોજ પ્રજાસત્તાક દિવસ છે, હું બધા દેશવાસીઓને અગાઉથી પ્રજાસત્તાક દિવસની શુભકામનાઓ પાઠવું છું.

પીએમ મોદીએ કહ્યું કે મહાકુંભની ઉજવણી વિવિધતામાં એકતાનો ઉત્સવ છે. કુંભની પરંપરા ભારતને એકતામાં બાંધે છે. મહાકુંભમાં યુવાનોની ભાગીદારી વધી છે. આ દરમિયાન પીએમ મોદીએ ગંગાસાગર મેળાનો પણ ઉલ્લેખ કર્યો. તેમણે કહ્યું કે ગંગાસાગર મેળો સંવાદિતા અને એકતાને પ્રોત્સાહન આપે છે.

પ્રધાનમંત્રી મોદીએ અયોધ્યામાં રામ મંદિરમાં રામ લલ્લાની પ્રાણ પ્રતિષ્ઠાની પ્રથમ વર્ષગાંઠની પણ ચર્ચા કરી. તેમણે કહ્યું કે પ્રાણ પ્રતિષ્ઠાની પ્રથમ વર્ષગાંઠ ખૂબ જ ધામધૂમથી ઉજવવામાં આવી હતી. પીએમ મોદીએ કહ્યું કે આપણે વારસાનું જતન કરવું પડશે અને પ્રેરણા લેવી પડશે.

પ્રધાનમંત્રી મોદીએ મન કી બાતમાં કહ્યું કે દેશ અવકાશ ટેકનોલોજીમાં નવી ઊંચાઈઓ હાંસલ કરી રહ્યો છે. પીએમ મોદીએ કહ્યું કે પિક્સેલનો ખાનગી ઉપગ્રહ એક મોટી સિદ્ધિ છે. પીએમ મોદીએ સ્પેસ ડોકીંગની સફળતા બદલ ઇસરોને અભિનંદન આપ્યા. તેમણે કહ્યું કે ભારત સ્પેસ ડોકીંગ કરનાર વિશ્વનો ચોથો દેશ બન્યો.

પીએમ મોદીએ કહ્યું કે 25 જાન્યુઆરી રાષ્ટ્રીય મતદાતા દિવસ છે. આ દિવસ મહત્વપૂર્ણ છે કારણ કે આ દિવસે ભારતના ચૂંટણી પંચની સ્થાપના થઈ હતી. આપણા બંધારણ ઘડવૈયાઓએ આપણા ચૂંટણી પંચ અને લોકશાહીમાં લોકોની ભાગીદારીને બંધારણમાં ખૂબ જ મહત્વપૂર્ણ સ્થાન આપ્યું છે. ચૂંટણી પંચે આપણી મતદાન પ્રક્રિયાને આધુનિક અને મજબૂત બનાવી છે.

પીએમ મોદીએ કહ્યું કે થોડા દિવસો પહેલા જ સ્ટાર્ટઅપ ઇન્ડિયાએ 9 વર્ષ પૂર્ણ કર્યા છે. છેલ્લા 9 વર્ષમાં આપણા દેશમાં જેટલા સ્ટાર્ટઅપ્સ બન્યા છે તેમાંથી અડધાથી વધુ સ્ટાર્ટઅપ્સ ટિયર 2 અને ટિયર 3 શહેરોમાંથી છે અને જ્યારે દરેક ભારતીય આ સાંભળે છે, ત્યારે તેનું હૃદય ખુશ થઈ જાય છે, એટલે કે આપણી સ્ટાર્ટઅપ સંસ્કૃતિ ફક્ત મોટા શહેરો સુધી મર્યાદિત નથી