મુંબઈમાં ગમખ્વાર અકસ્માત: બેકાબુ બસે કાર, બાઈક સહીત અનેક વાહનોને લીધા અડફેટે, 7નાં મોત 43 થી વધુ લોકો ઈજાગ્રસ્ત, જુઓ વિડીયો

મહારાષ્ટ્રની રાજધાની મુંબઈમાં સોમવારે રાત્રે એક દુ:ખદ બસ અકસ્માત સર્જાયો હતો. મુંબઈના ગીચ વસ્તીવાળા વિસ્તાર કુર્લામાં એક સરકારી બસ તેજ ગતિએ પ્રવેશી હતી. આ દરમિયાન સ્પીડમાં આવતી બસે ઘણા લોકોને કચડી નાખ્યા હતા. આખરે બસ એક બિલ્ડીંગના આરસીસી કોલમ સાથે અથડાઈને થંભી ગઈ. પરંતુ બિલ્ડિંગની બાઉન્ડ્રી વોલ ધરાશાયી થઈ હતી. આ દરમિયાન બસે ૩૦ થી વધુ વાહનોને ટક્કર મારી હતી. આ ભયાનક દુર્ઘટનામાં અત્યાર સુધીમાં 7 લોકોના મોત થયા છે જ્યારે 43 થી વધુ લોકો ઈજાગ્રસ્ત હોવાનું કહેવાય છે, જેમની હોસ્પિટલમાં સારવાર ચાલી રહી છે.

ભારદવ બેસ્ટની બસ સાથે અકસ્માત સર્જાયો હતો. સોમવારે રાત્રે, ભરદવ બેસ્ટની બસ કુર્લા વિસ્તારના એક બજારમાં અચાનક ઘૂસી ગઈ હતી. બસને ઝડપથી બજારમાં આવતી જોઈ લોકોમાં ફફડાટ ફેલાયો હતો. બસે કેટલાક લોકોને કચડી નાખ્યા હતા. ઘણા વાહનો પણ અથડાયા હતા જેના કારણે લોકો બસની અડફેટે આવી ગયા હતા. ઘટના બાદ ઘટનાસ્થળે ભારે લોકોના ટોળેટોળા ઉમટી પડ્યા હતા. પોલીસ પણ ઘટના સ્થળે પહોંચી હતી.

https://x.com/ItsKhan_Saba/status/1866195690336190595

https://x.com/jsuryareddy/status/1866206810803483020

બસે કુલ 30 થી 40 વાહનોને ટક્કર મારી હતી.

અકસ્માત બાદ ભાભા હોસ્પિટલમાં લઈ જતી વખતે બે લોકોના મોત થયા હતા. હોસ્પિટલમાં લાવવામાં આવ્યા બાદ એક વ્યક્તિનું મોત થયું હતું. બેસ્ટ બસ જે અકસ્માતનો ભોગ બની હતી તે ઇલેક્ટ્રિક બસ હતી. બસે કુલ 30 થી 40 વાહનોને ટક્કર મારી હતી. એક ઈમારતના આરસીસી કોલમ સાથે અથડાયા બાદ બસ ઉભી રહી ગઈ હતી, પરંતુ ઈમારતની બાઉન્ડ્રી વોલ ધરાશાયી થઈ હતી. જણાવવામાં આવી રહ્યું છે કે બસની ટક્કર બાદ કેટલાક લોકો ઘાયલ થયા અને રસ્તા પર પડી ગયા

આ અકસ્માત કુર્લા વેસ્ટ રેલવે સ્ટેશન રોડ પર આંબેડકર નગરમાં થયો હતો. બસ કુર્લા સ્ટેશનથી અંધેરી જઈ રહી હતી. આ બેસ્ટ બસોનું સંચાલન બૃહન્મુંબઈ મ્યુનિસિપલ કોર્પોરેશન (BMC) દ્વારા કરવામાં આવે છે.

મ્યુનિસિપલ કોર્પોરેશનના એક અધિકારીએ જણાવ્યું કે એવી આશંકા છે કે બસની બ્રેક ફેલ થવાને કારણે આ ઘટના બની છે. અંજુમ-એ-ઈસ્લામ સ્કૂલ પાસે એલ વોર્ડની સામે એસજી બર્વે રોડ પર બસે અનેક વાહનોને કચડી નાખ્યા હતા.

બસે અનેક વાહનોને પણ નુકસાન પહોંચાડ્યું છે. અકસ્માતનું કારણ હજુ સ્પષ્ટ થયું નથી. પોલીસે બસ ડ્રાઈવરને કસ્ટડીમાં લીધો છે. તમને જણાવી દઈએ કે આ બસ અકસ્માત રાત્રે 9.50 વાગ્યે થયો હતો.

કહેવામાં આવી રહ્યું છે કે આરોપી ડ્રાઈવર સંજય મોરે સોમવારે પહેલીવાર બસ ચલાવી રહ્યો હતો. તે 1 ડિસેમ્બરે જ બેસ્ટમાં કોન્ટ્રાક્ટ ડ્રાઈવર તરીકે જોડાયો હતો. એવું માનવામાં આવે છે કે તેણે બ્રેકને બદલે એક્સિલરેટર દબાવી દીધું હતું. જેના કારણે આ અકસ્માત થયો હતો.

પ્રાપ્ત માહિતી અનુસાર, બસ કુર્લાથી અંધેરી જઈ રહી હતી ત્યારે આંબેડકર નગરની બુદ્ધ કોલોની પાસે કાબૂ બહાર થઈ ગઈ હતી. ઘાયલોને ભાભા અને સાયન હોસ્પિટલમાં લઈ જવામાં આવ્યા છે. ઘણા લોકોની હોસ્પિટલમાં સારવાર ચાલી રહી છે. હોસ્પિટલ દ્વારા અત્યાર સુધીમાં પાંચ લોકોને મૃત જાહેર કરવામાં આવ્યા છે.

બસ દુર્ઘટના અંગે માહિતી આપતા શિવસેનાના ધારાસભ્ય દિલીપ લાંડેએ જણાવ્યું કે, કુર્લા સ્ટેશનથી નીકળી રહેલી બસની બ્રેક ફેલ થઈ ગઈ અને ડ્રાઈવરે બસ પરથી નિયંત્રણ ગુમાવ્યું. ડ્રાઈવર ગભરાઈ ગયો અને તેણે બ્રેક દબાવવાને બદલે એક્સીલેટર દબાવ્યું અને બસની સ્પીડ વધી ગઈ. તે બસ પર કાબુ ન રાખી શક્યો અને 30-35 લોકોને ટક્કર મારી. ૭૨ લોકોના મોત, 4 લોકોની હાલત ગંભીર છે.