જમ્મુ અને કાશ્મીરના ગુલમર્ગમાં મોટો અકસ્માત, ગોંડોલા કેબલ તૂટવાથી 120 પ્રવાસીઓ ફસાયા, બચાવ કામગીરી ચાલુ

જમ્મુ અને કાશ્મીરના ગુલમર્ગ ગોંડોલાના ટાવર નંબર 1 નો કેબલ વાયર તૂટી જતા ૨૦ કેબિન ફસાય છે,જેમાં ૧૨૦ થી વધુ પ્રવાસીઓ ફસાયેલા હોવાનું સામે આવ્યું છે. બચાવ કામગીરી શરૂ કરવામાં આવી છે. અધિકારીઓનું કહેવું છે કે ટેકનિકલ ખામીને કારણે ગુલમર્ગ ગોંડોલા કામગીરી અસ્થાયી રૂપે બંધ કરવામાં આવી છે અને બચાવ કામગીરી ચાલુ છે.

બીજી તરફ, અધિકારીઓ કહે છે કે ચિંતા કરવાની કોઈ વાત નથી, ગોંડોલા સેવાઓ ટૂંક સમયમાં પુનઃસ્થાપિત કરવામાં આવશે. તેમણે કહ્યું કે રવિવારે ટેકનિકલ ખામીને કારણે ગુલમર્ગ ગોંડોલાના પહેલા તબક્કાનું સંચાલન ખોરવાઈ ગયું હતું, જેના કારણે ઘણા પ્રવાસીઓ કેબિનમાં અટવાઈ ગયા હતા.અધિકારીએ જણાવ્યું હતું કે સમસ્યા ત્યારે થઈ જ્યારે દોરડું પુલીમાંથી સરકી ગયું, જેના કારણે કેબલ કાર સિસ્ટમ બંધ થઈ ગઈ. તેમણે કહ્યું કે દોરડું તરત જ પુલી પર પાછું લગાવી દેવામાં આવ્યું.

રાહત અને બચાવ કાર્ય ચાલુ, એન્જિનિયરિંગ ટીમ તૈનાત

દરમિયાન, પરિસ્થિતિ પર નજર રાખતા એક અધિકારીએ જણાવ્યું હતું કે ચિંતા કરવાની કોઈ વાત નથી કારણ કે સમસ્યાના ઉકેલ માટે તાત્કાલિક એક એન્જિનિયરિંગ ટીમ તૈનાત કરવામાં આવી હતી.અધિકારીઓએ જણાવ્યું હતું કે અમારી ટીમ કામ પર છે અને શક્ય તેટલી વહેલી તકે સિસ્ટમ પુનઃસ્થાપિત કરવાના પ્રયાસો ચાલુ છે. તેમણે એમ પણ કહ્યું કે સેવાઓ ટૂંક સમયમાં પુનઃસ્થાપિત કરવામાં આવશે.

ગુલમર્ગ ગોંડોલા, જે વિશ્વની સૌથી ઊંચી કેબલ કારમાંની એક છે અને આ પ્રદેશમાં એક મુખ્ય પ્રવાસી આકર્ષણ છે, તે તેના પ્રથમ તબક્કામાં બેઝ સ્ટેશનને કોંગડોરી સાથે જોડે છે, અને બીજા તબક્કામાં અફરવત શિખર સુધી જાય છે.

2017 માં થયેલા અકસ્માતમાં સાત લોકોના મોત થયા હતા

તમને જણાવી દઈએ કે વર્ષ 2017 ની શરૂઆતમાં, ગોંડોલા કેબલ તૂટવાથી સાત લોકોના મોત થયા હતા. કેબલ કાર જમીન પર પડતા અંદર રહેલા લોકો માર્યા ગયા. વાવાઝોડામાં એક ઝાડ ઉખડી જવાથી કેબલ તૂટી ગયો હતો. મૃતકોમાં બે બાળકો પણ હતા. ગુલમર્ગમાં આવેલી કેબલ કાર દુનિયાની સૌથી ઊંચી કેબલ કાર છે.

તમને જણાવી દઈએ કે ગુલમર્ગમાં આવેલી કેબલ કાર મુસાફરોને 4,100 મીટર (13,450 ફૂટ) ની ઊંચાઈ પર લઈ જાય છે અને હિમાલયના સુંદર દૃશ્યો પ્રદાન કરે છે, જે બરફથી ઢંકાયેલા રહે છે.