પાકિસ્તાન પર એરસ્ટ્રાઈક બાદ ગુજરાત એલર્ટ મોડમાં: રાજકોટ-ભુજ-જામનગરની એર ઈન્ડિયાની અનેક ફ્લાઇટ્સ રદ, 11 એરપોર્ટ કરાયા બંધ

પહેલગામ આતંકવાદી હુમલાના જવાબમાં, ભારતે બુધવારે વહેલી સવારે પાકિસ્તાન અને પાકિસ્તાન કબજા હેઠળના કાશ્મીર (PoK) માં આતંકવાદી છાવણીઓ પર હવાઈ હુમલા કર્યા. સેનાએ 9 આતંકવાદી ઠેકાણાઓ, લોન્ચપેડ અને તાલીમ છાવણીઓને નિશાન બનાવીને અત્યાર સુધીમાં 62 આતંકવાદીઓને ઠાર માર્યા છે.

samay mirror

May 07, 2025

1 minute

ગુજરાત

ભારતે પહેલગામમાં થયેલા આતંકવાદી હુમલાનો બદલો લીધો છે. તેણે પાકિસ્તાન અને પીઓકેમાં આતંકવાદી ઠેકાણાઓ પર હુમલો કર્યો છે.ભારતે માત્ર 33 મિનિટમાં જ 'ઓપરેશન સિંદૂર'ને પાર પાડ્યું. આ હુમલામાં 7 શહેરોમાં 9 આતંકવાદી ઠેકાણાઓને નિશાન બનાવવામાં આવ્યા છે. અત્યાર સુધી મળેલી માહિતી અનુસાર, આમાં 100થી વધુ આતંકવાદીઓ માર્યા ગયા છે. ઓપરેશન સિંદૂર બાદ દેશભરમાં એલર્ટ જાહેર કરવામાં આવ્યું છે. દેશના ઘણા 11 એરપોર્ટ પર કામગીરી બંધ કરી દેવામાં આવી છે અને ઘણી એરલાઇન્સે ઘણી ફ્લાઇટ્સ રદ કરી છે. એર ઇન્ડિયાએ બપોરે 12 વાગ્યા સુધી 9 શહેરોમાં બધી ફ્લાઇટ્સ રદ કરી છે. અમૃતસર, પઠાણકોટ અને જોધપુર એરપોર્ટ બંધ કરી દેવામાં આવ્યા છે. મુસાફરોને એરપોર્ટ માટે ઘરેથી નીકળતા પહેલા ફ્લાઇટ્સની સ્થિતિ તપાસવાની અપીલ કરવામાં આવે છે.

હવાઈ હુમલાને કારણે દેશભરની ફ્લાઇટ્સ પર અસર પડી છે. રાજકોટ-ભુજ-જામનગરની એર ઈન્ડિયાની અનેક ફ્લાઇટ્સ રદ થઈ ગઈ છે. આ સિવાય અમદાવાદ એરપોર્ટથી ભૂજ, જામનગર, અને રાજકોટ જતી અને આવતી તેની બધી ફ્લાઇટ્સ રદ કરી દેવામાં આવી છે.

આ સાથે જ શ્રીનગર સહિત 11 એરપોર્ટ પર કામગીરી બંધ કરી દેવામાં આવી છે. જેમાં જમ્મુ, શ્રીનગર, લેહ, ચંદીગઢ, બિકાનેર, જોધપુર, રાજકોટ, ધર્મશાલા, અમૃતસર, ભુજ, જામનગર એરપોર્ટનો સમાવેશ થાય છે. હવાઈ મુસાફરી સંપૂર્ણપણે પ્રભાવિત થઈ છે. અમૃતસર અને ચંડીગઢ એરપોર્ટ બંધ કરી દેવામાં આવ્યા છે. દિલ્હીથી આવતી જતી કુલ 95 ફલાઈટ રદ થઈ છે. દિલ્હીથી દેશ-વિદેશ જતી 113 ફલાઈટ વિલંબિત થઈ છે.

એરલાઇન્સ કંપનીઓના નિવેદનો

ઇન્ડિગો: ક્ષેત્રમાં એરસ્પેસની સ્થિતિમાં ફેરફારને કારણે શ્રીનગર, જમ્મુ, અમૃતસર, લેહ, ચંદીગઢ, બિકાનેર અને ધર્મશાળા જતી અને આવતી ફ્લાઇટ્સ પ્રભાવિત થઈ છે. અમે તમને વિનંતી કરીએ છીએ કે એરપોર્ટ પર જતા પહેલા તમારી ફ્લાઇટની સ્થિતિ તપાસો.

સ્પાઇસજેટ: ઓપરેશન સિંદૂરને કારણે, ઉત્તર ભારતના કેટલાક એરપોર્ટ જેમ કે ધર્મશાળા, લેહ, જમ્મુ, શ્રીનગર અને અમૃતસર આગામી સૂચના સુધી બંધ કરવામાં આવ્યા છે. આ એરપોર્ટ પરથી ફ્લાઇટ્સના આગમન અને પ્રસ્થાનના સમયને અસર થઈ શકે છે. મુસાફરોને વિનંતી છે કે તેઓ તેમની મુસાફરીનું કાળજીપૂર્વક આયોજન કરે અને સ્પાઇસજેટની વેબસાઇટ પર તેમની ફ્લાઇટની સ્થિતિ તપાસે.

એર ઇન્ડિયા: જમ્મુ, શ્રીનગર, લેહ, જોધપુર, અમૃતસર, ભૂજ, જામનગર, ચંદીગઢ અને રાજકોટ જતી અને આવતી બધી ફ્લાઇટ્સ 7 મેના રોજ બપોરે 12 વાગ્યા સુધી રદ કરવામાં આવી છે. અધિકારીઓ સાથે મુલાકાત કર્યા પછી વધુ માહિતી આપવામાં આવશે. અમૃતસર જતી બે આંતરરાષ્ટ્રીય ફ્લાઇટ્સને દિલ્હી ડાયવર્ટ કરવામાં આવી હતી. આ અચાનક થયેલી અસુવિધા બદલ અમે દિલગીર છીએ. મુસાફરોની સુવિધા માટે, હેલ્પલાઇન નંબર 011-69329333 / 011-69329999 છે.

એર ઇન્ડિયા એક્સપ્રેસ - અમૃતસર, જમ્મુ, શ્રીનગર અને હિંડન આવતી અને જતી ફ્લાઇટ્સ 7 મેના બપોર સુધી રદ કરવામાં આવી છે. અસુવિધા બદલ અમને દુઃખ છે. બધા મુસાફરોને વિનંતી છે કે તેઓ તેમની ફ્લાઇટની સ્થિતિ તપાસે. ફ્લાઇટ સંબંધિત ચેતવણીઓ અને સૂચનાઓ માટે ટિયા સાથે ચેટ કરો: +91 63600 12345

અકાસા એરલાઇન્સે : વર્તમાન પરિસ્થિતિને ધ્યાનમાં રાખીને અકાસા એરલાઇન્સે શ્રીનગર એરપોર્ટ બંધ કરી દીધું છે. શ્રીનગર જતી અને જતી ફ્લાઇટ્સ રદ કરવામાં આવી છે. તેમણે મુસાફરોને એરપોર્ટ પર આવતા પહેલા http://bit.ly/qpfltsts પર ફ્લાઇટ્સની સ્થિતિ તપાસવા અપીલ કરી. કોઈપણ વધારાની સહાય માટે, +91 9606 112131 પર તેમના 24x7 આકાશ કેર સેન્ટરનો સંપર્ક કરો.