મધ્યપ્રદેશના સિધીમાં વીજળીનો ટાવર પડતા 3 લોકોનાં મોત, 7 ગંભીર રીતે ઈજાગ્રસ્ત

મધ્યપ્રદેશના સિધી જિલ્લામાં વીજળીનો ટાવર ધરાશાયી થતાં ત્રણ મજૂરોના મોત થયા છે. જ્યારે 7 કામદારો ગંભીર રીતે ઘાયલ થયા હતા. મળતી માહિતી મુજબ 400 KV ટ્રાન્સમિશન લાઇનનો ટાવર ધરાશાયી થવાથી ત્રણ મજૂરોના મોત થયા છે. જ્યારે અન્ય ઘાયલ થયા હતા. લોકોએ ઘટના અંગે પોલીસને જાણ કરી હતી. એક પોલીસ અધિકારીએ જણાવ્યું કે આ ઘટના બપોરે રામપુર નાઈકિન તહસીલના અમદાદ ગામમાં બની હતી.

રેવા-સિધી રેલ્વે લાઇનથી પ્રભાવિત 400 KV જેપી નિગરી સતના ટ્રાન્સમિશન લાઇનના ટાવર ડાયવર્ઝનનું કામ સિધી જિલ્લાના રામપુર નાઇકિન તાલુકા હેઠળના અમદાદ ગામમાં કરવામાં આવી રહ્યું હતું. ટાવર બદલવાનું કામ પશ્ચિમ બંગાળની પાવર ટ્રેક ઇન્ફ્રા કંપની કરી રહી હતી.

ટ્રાન્સમિશન લાઇનના બે ટાવર બદલતી વખતે આ અકસ્માત સર્જાયો હતો. અકસ્માતની માહિતી મળતાની સાથે જ કલેક્ટર સ્વરોચિશ સોમવંશીએ ઘાયલોને મદદ કરવા સૂચના આપી હતી. જિલ્લા વહીવટીતંત્ર અને પોલીસ પ્રશાસને ઘાયલોને મદદ કરી અને તેમને સારવાર માટે હોસ્પિટલ લઈ ગયા. આ અકસ્માતમાં 3 કામદારોના મોત થયા હતા, જ્યારે 7 કામદારો ઘાયલ થયા હતા. તમામ કામદારો પશ્ચિમ બંગાળના છે.

બે કામદારો ગંભીર રીતે ઘાયલ

અકસ્માતમાં ગંભીર રીતે ઘાયલ થયેલા બે મજૂરોને રીવા મેડિકલ કોલેજમાં રીફર કરવામાં આવ્યા છે, જ્યારે ત્રણની સારવાર સામુદાયિક આરોગ્ય કેન્દ્ર, રામપુર નૈકિન ખાતે કરવામાં આવી રહી છે. મુખ્ય કાર્યકારી અધિકારી જિલ્લા પંચાયત અંશુમન રાજ અને અધિક પોલીસ અધિક્ષક અરવિંદ શ્રીવાસ્તવે ઘટના સ્થળનું નિરીક્ષણ કર્યું હતું અને સામુદાયિક આરોગ્ય કેન્દ્રમાં ઘાયલોને મળ્યા હતા.

એસપીએ ઘાયલોને મદદ કરવા સૂચના આપી

પોલીસ અધિક્ષક અરવિંદ શ્રીવાસ્તવે કહ્યું કે કામદારો જૂના ટ્રાન્સમિશન ટાવરને બદલીને નવા ટાવર લગાવી રહ્યા છે. ટાવર કામદારોના જૂથ પર પડ્યો. જેના કારણે બેનું ઘટનાસ્થળે જ મોત નીપજ્યું હતું, જ્યારે ત્રીજા વ્યક્તિનું હોસ્પિટલ લઈ જતા રસ્તામાં મોત થયું હતું અને આ ઘટનામાં ઘણા મજૂરો ઘાયલ થયા હતા. સિધીના પોલીસ અધિક્ષક રવિન્દ્ર વર્માએ જણાવ્યું કે છ લોકો ઘાયલ થયા છે અને તેમને રીવા સ્થિત સંજય ગાંધી મેડિકલ કોલેજમાં દાખલ કરવામાં આવ્યા છે. તેમણે કહ્યું કે મૃતકોની ઓળખ કરવામાં આવી રહી છે.