JEE એડવાન્સનું પરિણામ જાહેર: રાજિત ગુપ્તા દેશભરમાં પ્રથમ, કુલ 1.82 લાખ વિદ્યાર્થીએ આપી હતી પરીક્ષા

IIT કાનપુર દ્વારા JEE એડવાન્સ્ડ 2025 પરીક્ષાનું પરિણામ જાહેર કરવામાં આવ્યું છે. આજે 2 જૂનના રોજ પરિણામ જાહેર કરવામાં આવ્યું હતું. આ સાથે, અંતિમ જવાબ કી પણ જાહેર કરવામાં આવી છે.

samay mirror

June 02, 2025

1 minute

નેશનલ

IIT કાનપુર દ્વારા JEE એડવાન્સ્ડ 2025 પરીક્ષાનું પરિણામ જાહેર કરવામાં આવ્યું છે. આજે 2 જૂનના રોજ પરિણામ જાહેર કરવામાં આવ્યું હતું. આ સાથે, અંતિમ જવાબ કી પણ જાહેર કરવામાં આવી છે. પરીક્ષામાં બેઠેલા ઉમેદવારો સત્તાવાર વેબસાઇટ jeeadv.ac.in પર જઈને નોંધણી નંબર અને જન્મ તારીખ દાખલ કરીને સ્કોરકાર્ડ ડાઉનલોડ કરી શકે છે. રજિત ગુપ્તાએ JEE એડવાન્સ્ડ પરીક્ષામાં ઓલ ઈન્ડિયા ફર્સ્ટ રેન્ક મેળવીને દેશભરમાં ટોપ કર્યું છે.

રજિત ગુપ્તાએ JEE મેન્સ 2025 ની પરીક્ષામાં 100 પર્સન્ટાઇલ મેળવ્યા હતા. તેમનો ઓલ ઇન્ડિયા રેન્ક 16મો હતો. તેમણે JEE એડવાન્સ્ડ પરીક્ષામાં દેશભરમાં ટોપ કર્યું છે. હવે તેઓ દેશના ટોચના IIT માંથી BTech કરશે. એડવાન્સ્ડ પરીક્ષા 18 મે ના રોજ દેશભરના વિવિધ કેન્દ્રો પર બે શિફ્ટમાં લેવામાં આવી હતી. પરીક્ષામાં સફળ થનારા ઉમેદવારો આવતીકાલ, 3 જૂનથી IIT અને NIT માં પ્રવેશ માટે JoSAA કાઉન્સેલિંગમાં ભાગ લેવા માટે નોંધણી કરાવી શકે છે.

સુરતના વિદ્યાર્થીઓએ મારી બાજી

JEE એડવાન્સમાં સુરતના વિદ્યાર્થીઓએ બાજી મારી છે. સુરતના 7 વિદ્યાર્થીઓએ શહેર ટોપર્સમાં સ્થાન મેળવ્યું છે. આગમ શાહ ઓલ ઇન્ડિયા રેન્કમાં 17માં ક્રમ સાથે સુરત સિટી ટોપર બની ગયો છે. જયારે કલ્પ શાહ ઓલ ઇન્ડિયા રેન્કમાં 86માં ક્રમ સાથે સુરતમાં બીજા નંબરે, મોક્ષ ભટ્ટ ઓલ ઇન્ડિયા રેન્કમાં 219માં ક્રમ સાથે ત્રીજા નંબરે, કનિષ્કસિંહ ઓલ ઇન્ડિયા રેન્કમાં 294માં ક્રમ સાથે ચોથા નંબરે, હિતાંશ ગાંધી ઓલ ઇન્ડિયા રેન્કમાં 360માં ક્રમ સાથે પાંચમા નંબરે, વિશ્વ પંડ્યા ઓલ ઇન્ડિયા રેન્કમાં 375માં ક્રમ સાથે છઠ્ઠા નંબરે અને યશ કોઠારી ઓલ ઇન્ડિયા રેન્કમાં 418માં ક્રમ સાથે સાતમાં નંબરે સીટી ટોપ બન્યા છે.

રજિત ગુપ્તા કોટાના મહાવીર નગર વિસ્તારનો રહેવાસી છે. તેના પિતા દીપક ગુપ્તા BSNLમાં એન્જિનિયર છે અને તેની માતા ડૉ. શ્રુતિ અગ્રવાલ JDB કોલેજમાં પ્રોફેસર છે. રજિતને 10મા ધોરણમાં 96.8 ટકા માર્ક્સ મળ્યા હતા. તેણે કોટાની એક ખાનગી સંસ્થામાંથી કોચિંગ લીધું હતું. તેણે 360 માંથી 332 માર્ક્સ મેળવ્યા છે. ગયા વર્ષે, કોટાના રહેવાસી વેદ લાહોટીએ JEE એડવાન્સ્ડ પરીક્ષામાં ટોપ કર્યું હતું. પરિણામની સાથે, IIT કાનપુરે વિષયવાર કટઓફ પણ જાહેર કર્યો છે. કુલ 1,87,223 ઉમેદવારોએ પરીક્ષામાં બેસવા માટે નોંધણી કરાવી હતી.

JEE એડવાન્સ્ડ 2025 ટોપર લિસ્ટ: JEE એડવાન્સ્ડ 2025 ટોપર્સ લિસ્ટ
રાજિત ગુપ્તા
શશમ જિંદાલ
માજિદ મુજાહિદ હુસૈન
પાર્થ મંદાર વર્તક
ઉજ્જવલ કેસરી
અક્ષત કુમાર ચૌરસિયા
સાહિલ મુકેશ દેવ
દેવેશ પંકજ ભીયા
અર્નબ સિંહ
વડલામુદી લોકેશ

પરીક્ષામાં બેઠેલા ઉમેદવારો JEE એડવાન્સ્ડની સત્તાવાર વેબસાઇટની મુલાકાત લઈને અંતિમ આન્સર કી અને સ્કોરકાર્ડ ડાઉનલોડ કરી શકે છે. તમે વિષય મુજબ કટ ઓફ પણ ચકાસી શકો છો.